Main kaidi no 786 from Veer Zaara…. ( Revised version in office)

Main kaidi no 786..
Cubicle ke dewaron ke us paar dekhta hoon
apni hi tarah
khaali baithe ek colleague ko dekhta hoon
kabhi mail karta
kabhi coffee peeta
kabhi Extn pe baat karta
Messenger pe chat karta rehta
woh kehte hain woh TL hai
woh kehte hain woh senior hai
fir kyon mere jaisa lagta hai
kyon din bhar FW: padhta hai

Main kaidi no 786..
cubicle ki dewaron ke us paar dekhta hoon
cabin me baithe apne PM ko dekhta hoon
Main kaidi no 786..
kabhi phone pe
kabhi conference-call pe
gussa utarta jaane kis pe
who kehte hain project aane wala hai
training complete karo , kaam aane wala hai
fir kyon mujhe yeh jhootha sa lagta hai
fir kyon yeh sapna sa lagta hai

Main kaidi no 786..
cubicle ke dewaron ke us paar dekhta hoon
Doosri companiyon ko join kar chuke
purane doston ko dekhta hoon
woh kehte hain bond ka kya hai, chale jao
woh kehte hain kahin aur kismat aazmao
fir kyon bond todne se dil darta hai
abhi ek saal aur intezaar
karne ko jee karta hai

Main kaidi no 786..
cubicle ki dewaron ke us paar dekhta hoon………….